Храм / Молитвенное правило

Утреннее молитвенное правило, ежедневно читаемое в школе «Образ» перед началом уроков.


(Благословен    Бог наш всегда ныне и присно и во веки веков. Аминь.)

Во имя Отца, и Сына, и Святого Духа. Аминь. Боже, милостив буди мне грешному.

Господи, Иисусе Христе, Сыне Божий, молитв ради Пречистыя Твоея  Матери и всех святых помилуй нас. Аминь.

Слава Тебе, Боже наш, слава Тебе.

Царю Небесный…

Святый Боже, Святый Крепкий, Святый Бессмертный, помилуй нас. (трижды)

Слава Отцу и Сыну и Святому Духу и ныне и присно и во веки веков. Аминь.

 Пресвятая Троице, помилуй нас; Господи, очисти грехи наша; Владыко,  прости  беззакония наша; Святый, посети и исцели немощи наша, имени Твоего ради.

Господи, помилуй. (трижды)

Слава Отцу и Сыну и Святому Духу и ныне и присно и во веки веков. Аминь.

Отче наш… (Яко Твое есть царство, и сила, и слава Отца и Сына и Святаго Духа, ныне и присно и во веки веков. Аминь.)

Воставше от сна, припадаем Ти, Блаже, и ангельскую песнь вопием Ти, Сильне: Свят, Свят, Свят еси, Боже, Богородицею помилуй нас.

Слава Отцу и Сыну и Святому Духу: От одра и сна воздвигл мя еси, Господи, ум мой просвети и сердце, и устне мои отверзи, во еже пети Тя, Святая Троице: Свят, Свят, Свят еси, Боже, Богородицею помилуй нас.

И ныне и присно и во веки веков. Аминь: Внезапно Судия приидет, и коегождо деяния обнажатся, но страхом зовем в полунощи: Свят, Свят, Свят еси, Боже, Богородицею помилуй нас.

Господи, помилуй. (12 раз)

От сна востав, благодарю Тя, Святая Троице, яко многия ради Твоея благости и долготерпения не прогневался еси на мя, лениваго и грешнаго, ниже погубил мя еси со беззаконьми моими; но человеколюбствовал еси обычно и в нечаянии лежащаго воздвигл мя еси, во еже утреневати и славословити державу Твою. И ныне просвети мои очи мысленныя, отверзи моя уста поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.

Приидите, поклонимся Цареви нашему Богу. (поклон)

Приидите, поклонимся и припадем Христу, Цареви нашему Богу. (поклон)

Приидите, поклонимся и припадем Самому Христу, Цареви и Богу нашему. (поклон)

Псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда Благоволиши жертву правды, возношение и всесожегаемая; тогда возложат на олтарь Твой тельцы.

Псалом 90

Живый в помощи Вышняго, в крове Бога Небеснаго водворится, речет Господеви: Заступник мой еси и Прибежище мое, Бог мой, и уповаю на Него. Яко Той избавит мя от сети ловчи, и от словесе мятежна: плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Падет от страны твоея тысяща, и тма одесную тебе, к тебе же не приближится: обаче очима твоима смотриши, и воздаяние грешников узриши. Яко Ты, Господи, упование мое: Вышняго положил еси прибежище твое. Не приидет к тебе зло, и рана не приближится телеси твоему: яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою: на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его: долготою дний исполню его, и явлю ему спасение Мое.

Далее псалом по порядку.

Слава Отцу и Сыну и Святому Духу и ныне и присно и во веки веков. Аминь.

Аллилуия, аллилуия, аллилуия, слава Тебе Боже. (трижды) Господи, помилуй. (трижды)

Верую во Единого Бога…

Чтение Священного Писания (великим постом – Бытия чтение, в прочие дни – От имярек Святаго Евангелия чтение. Слава Тебе, Господи, слава Тебе)

Молите Бога о нас Крестителю Спасов Иоанне, святии славнии и всехвальнии апостоли Петре и Павле, Иоанне Богослове и Андрее Первозванный, святии вселенскии учители и святители Василие Великий, Григорие Богослове и Иоанне Златоусте, святителю отче Николае, святии равноапостольнии Мефодие и Кирилле, учители словенскии, святии равноапостольнии великий княже Владимире и княгине Ольго, первосвятители Московскии и всея России чудотворцы Алексие, Петре, Ионо, Филиппе, Макарие, Иове, Ермогене, Тихоне и Петре, святии славнии и добропобеднии мученицы, новомученицы и исповедницы Российстии, святии царственнии страстотерпцы, преподобнии и богоноснии отцы Антоние и Феодосие Киево-Печерскии, Сергие игумене Радонежский, Серафиме Саровский, святии праведнии отцы Иоанне Кронштадский и Алексие Московский, святии блаженнии матери Ксение Петербуржская и Матроно Московская,

(святии ихже есть день) и вси святии,

яко мы усердно к Вам прибегаем скорым помощникам и молитвенникам о душах наших.

Богородице, Дево, радуйся…

Спаси, Господи, люди Твоя …

Спаси, Господи, и помилуй Святейшего Патриарха Московского и всея Руси Кирилла, Высокопреосвященнейшего Ювеналия, Митрополита Крутицкого и Коломенского и раб Твоих имярек, всех зде начальствующих, учащих и учащихся и всех православных христиан, и заступи их, Господи Твоею благодатию.

Господи, помилуй. (трижды)

Упокой, Господи, души усопших раб Твоих имярек,и всех от века усопших православных христиан, и прости им вся согрешения вольная и невольная, и даруй им Царствие Небесное.

Господи, помилуй. (трижды)

[В дни Великого Поста до Великой Среды молитва преподобного Ефрема Сирина

Господи и Владыко живота моего, дух праздности, уныния, любоначалия и празднословия не даждь ми. (земной поклон)

Дух же целомудрия, смиренномудрия, терпения и любве даруй ми, рабу Твоему. (земной поклон)

Ей, Господи, Царю, даруй ми зрети моя прегрешения и не осуждати брата моего, яко благословен еси во веки веков Аминь. (земной поклон)

Боже, очисти мя грешного и помилуй мя. (12 раз с поясным поклоном)

Господи и Владыко живота моего, дух праздности, уныния, любоначалия и празднословия не даждь ми. Дух же целомудрия, смиренномудрия, терпения и любве даруй ми, рабу Твоему. Ей, Господи, Царю, даруй ми зрети моя прегрешения и не осуждати брата моего, яко благословен еси во веки веков Аминь. (земной поклон)]

Достойно есть… Слава Отцу и Сыну и Святому Духу и ныне и присно и во веки веков. Аминь. Господи, помилуй. (трижды) Благослови. Молитвами святых отец наших, Господи Иисусе Христе Боже наш, Помилуй нас. Аминь.